محتاج لوصالك

أنا محــتاج لـوصـــالك كــلام(ن) مايبي تفـســـير
تعـبت اطلبك وإنت اللي على بابك حرس وجـنود

تبي تحـرق لي أعـصــابي ولا ودك عـليك اغـــير
أنـا من قـلـبي أحـــبـك ووافـي لك بكـل عــهــــود

أنـا من قــلة وصــالك مني قـــادر عـلى التـفـكــير
ازعـّـل كـل من حـــولي ومـتأمــل عـلي تجـــــود

وآخــــرهـا عـلي تزعــــل ولا ترضـى بـأي تبـــرير
وأنا اللي كنت اظـن إني بذلت لخـاطـرك مجـهــود

مــعاك الحـق أنا الغـلـطان ليـه اسـأل عـليك كــثير
من المـفـروض أنا اتجــاهـل ولا كنك أبد موجــود

لازم اخـــفـي شــــعــوري وارفـــع راية التغـــيـير
واسـاير كل طـبع(ن) بك إلى ابعــد مـدى وحــدود

ابي منك أنا اتعــلم اصـــول الحـب وكـيف يـصــير
تعــبت ازرع لك ورود(ن) ومن صــدك تمــوت ورود

ألا وشـلون يحـيى الحـب بعــد إهـمـال أو تقـصـير
ألا وشـلون باشـعـل بك فتيل الشــوق وإنت بـرود

عـلـمـني العــطا وشــلون يبـقى مـع عــدم تقــدير
عـلـمـني اكـون انســان حـاضـر في زمــان شــرود

ابي امــنع احـــاســيـسي مـن الكلـمــة أو التعــبير
واخلي الحب في قلبي على جـدار الوهـم مـسـنود

كــفايه مـن مـشــاعــر ود عـليك تبـعــثرت تبــذير
بكـف القــلب عـن ودك وانطـــر للغــــلا مـــردود

يسلمك ربي على متابعتك
الله يعطيك العافيه يالغلا
ننتظر مزيد من الجديد
مودتي