 |
 |
| التميز خلال 24 ساعة | |||
| العضو المميز | الموضوع المميز | المشرف المميز | |
| "•||الـــكــاســر ~ | يًومٍ لگ يآَقِلبُي وعُشُرهُـ عّليكُ }*مدونتي*{
بقلم : دفء المشاعر |
"•||رونـــــــق ~ | |
 |
 |
|
||||||||||
 |
 |
| هٌمسٍٍَ الٌقَصٌُيدٌٍُ مساء مفعم بالرومانسيه تحت ضوء القمر وسكون الليل عاشق برفقَة قلم مبدع |
 |
|
|
LinkBack | أدوات الموضوع | انواع عرض الموضوع |
09-05-2011, 03:10 PM
|
#1 | ||
 
|
بقايا حي لاكن بشموخه باني قصوره إبتسامة نجاة بين برد الشتاء ودموع فجرٍ عري ياقف الحلم بأعشابه يدغدغ نداه حلمي أنبت شجر حتى يسيل أخضري فوق وجه الثراء والبرد تدفيه آه لوني أخضر بلونك يالحياه أنظري أرض خصبه ورحبه وأبتسامة نجاه من أنا يالسحاب وقال ما تنقري قلت حاول و قال السنبله والحياه تضحك أمي وأحس أن السماء منظري نجم مورق وغيمٍ بلل السدر ماه أولي درب(ن) أخضر والنخيل أكثري قلت أسافر سحاب وضحكة أمي حياه قمت أفتش لقيت أن الربيع آخري طفل يكبر وعصفور أتخذني سماه ذاك نبتي وهذا موسمي وثمري وش عليه أن حذفني كل طفل بحصاه مابنت هالعناكب بيت فوق أظهري دام حلمي سماء يكبر وأنا أكبر معاه شايب(ن) يحطب ضلوعي وأضل أحتري لين ينحت بعد عكازتين وعصاه بنت راعي غنم تحلم برجلٍ ثري حلم بأربع فصول أورق بكل أتجاه أحرق الحلم وأزرع وأرقص بخنجري وأسكن الغيم وأمطرني واسيل بثراه داخلي طفل يلعب مايمل الجري فوضوي ينبش أشياي وأنا أجمع وراه مثل ماكنت طفل أخربش بدفتري هذي الخربشه والمشمشه والنواه بين مي المروج ومشمشي وأشجري شفني الباسق المثمر وهذا عطاه ............................ مزهرية اناوالمزهريه والتحف وغبار مكتبتي ملل في غرفتي لين اصبحت سجني وسجاني هنا وهناك واحد دفتري واوراق صاحبتي مثل بعضه ما دام ان الفضا سقفي وجدراني سواليفي خرافة مرتبك تتبعثر اجوبتي غبا لاملت حروف الهجا من لثغة لساني تفاهه والقلم عاف الورق من عقم موهبتي كتاباتي سخافة بالعيون اللي تحداني حنونة طيبتي واذكر نصحتك ليه ما تبتي تجردتي سجدتي والنشيد المضحك ابكاني انا والا انتي المذنب .. انا .. لا انتي اذنبتي تعبت احكي وانا اقول الغلا لا يطب وجداني على فكره حنانك ما يوكل عيش واعشبتي وانا ليه افرش عيوني طريق لكل من جاني ياليتك ما تعطرتي بعطر ولا تخضبتي ياليت أقدر لو بورد الحدائق أدفن أحزاني رحلتي لاخر حدود الربيع هناك وش جبتي فتات الخبز والغيم البكر مر وتعداني بغيت اغير اطباعي واشيلك ذنب برقبتي حضنتك والقصيد اثمر قبل لا تورق اغصاني سلامات تطولك معشبه للغيم وان غبتي تظلين اخضري قبل الحياة تبدل الواني هداياي المطر والغيم يضحك من ملاعبتي خوي الغيم واسافر معه كنه من اخواني قصيدي يطرب التفاح يثمر تحت طبطبتي زرعته حب للعصفور قبل اهديه جنحاني يغرد كني العصفور بين اشجاري ونبتي اريد النجم يكتبني قصيدة حب واقراني مع اني ما ملكت الا قلم يلهث بمكتبتي رسمت السجن لعيوني فضا واغتلت سجاني ............................... السوسنة جد حلوة وش السكر وش السوسنه كل ماهو جميل انساه واتذكرك كل ورد البيادر لك جمعت أحسنه وأعترف انك أحلى والعسل أكثرك أضحكي لكن بجد أضحكي دلعنه شوفي الغيم اذا ما جا هنا وأمطرك في مهب الغنا كنا هنا من سنه ابتدى الحب حب وذقت طعم ثمرك مافي الا انا وانتي هنا ايمنه لحظة ٍسيلت قبل العسل سكرك كل شي ٍ وعطرك من سنه يسكنه عطرك وعطر من ورد ابيضك واحمرك وش تركتي وملح الطيش والشيطنه قلت ذاب وتركتي للحياة اخضرك امكنة رقص اوهي ترقص الامكنه وش يكون الصباح وجا هنا يشكرك عادته يحتفل وحده اذا امكنه لحظةٍ تجمع الكل ايمنك وايسرك ساعد في نشر والارتقاء بنا عبر مشاركة رأيك في الفيس بوك
|
||
التعديل الأخير تم بواسطة كلي وفا ; 09-05-2011 الساعة 05:50 PM
|
|
09-05-2011, 05:37 PM
|
#2 | ||
|
|
انا غصن الخريف وبله الماطر عقب واحياه شرب مي القصيد وغرد العصفور لـ افراحه ابكتب للبحر .../..وابشعله لين استلذ بماه انا اللي لبَس القبح الجمال.../... وزاده ملاحه نثرت الهيل في درب السحابه علها تاطاه بسيلٍ لاضرب بـ ارض العطش تتراقص الواحه عطيتك يالبحر وجه السماء وارجوك خذ هالـ آه انا مابيك تهديني طيورك ..../...عطني الراحه تغاريدي,, وضحكي ,,وابتساماتي بدون شفاه انا طفلٍ عطى امه ضحكته واستعذب صياحه على ترنيمة الساحل صحى طفل الورق وابكاه حنين الورد للطل الجميل وضحكة اصباحه ابهدي للعيون اجمل قصيد وللغريب امناه وابحرق دعوة العراف واهدم منبر اصلاحه ابضحك لا اببكي لاابكسر خاطري لرضاه انا خبلٍ لبس ثوب القصيد وطرز وشاحه زرعت الغصن للعصفور ولكن ماسمعت غناه على العصفور نلعب وان خلصنا نكسر جناحه اناطفلٍ على الما لو مشى../.. ماغنوا لممشاه على جلدي يذرون الحسد وتفتق جراحـه على الله ياسحاب المغفره لو ماقدرت انساه سكنت الريح حتى ابعثر الهقوات واجتاحه جمعت بسلتي كل العنب لـ عيون طفلٍ تاه غصوني خضر واثماري رطب والشعر تفاحه |
||
|
|
09-05-2011, 05:46 PM
|
#3 | ||
|
|
وحدي على ساحلك يالنورس البحري جيت اقطع الما سباحه وارضي جنوني احيان اقول انّي البحار من صغري وان قامت الريح تعجز تطرق ردوني بعضي هناك وهنا وتقول يا كثري ياكثر بعضي وكلّي صدق وشلوني ؟ بعد الغياب ادفن برمل البحر عذري واشعل مدى ساحلك واضوي سما كوني واهديك فجر ٍ لبس فستانه الزهري فجر ٍ سرق ضحكتي واهدى البحر لوني يافجر سامح أبـ اكسر حلمي بصدري واكتب قصيدة عزا لو تبكي عيوني مبطي وانا فاضي اهدي واعبث بعمري واغزل من ايامي احلامي على هوني فجأه.. و جف الندى حتّ الورق بدري سال اخضري والهبايب ساقت مزوني كذاب من قال :... يتساقط ورق كُبري واملا يدي بالورق واقول حتوني مدينتي ، والنخيل ، و ثرثرة : فجري أشيا بسيطه وذكرى من تناسوني واذكر " مها " أشبه بقطرة ندى تجري فوق ورقة فزّزت عصفورة غصوني تلبس ثياب الصباح ، و يستحي كبري واحسّني ضحكة اطفال ٍ تحروني يا توتة المرْج يا .. صفصافة القمري متى العصافير والقـُمري يغنوني ؟ دنا هديل ، و غنا مرّ لهنا ... يغري حقيقته دغدغت حوريّة شجوني ما ظل ّ شي .. والحدايق انكرت عطري وضيوفي اللي عزمت ابطوا ولا جوني رحلت قبل ... انكسر ويخطني حبري وسوالف وكان ياما كان يرووني كيف اجرح الغيم ويسيل المطر شعري كيف اجرح الشعر واكتبني ويقروني يا نورس الما نزفت ولا نزف صبري لو مالت الأرض تتركّى على متوني هذي هي الذكريات الموجعه ، وادري إني ابـ ابكي عليها لين يبكوني |
||
|
|
09-05-2011, 05:57 PM
|
#4 | ||
|
|
ماني بقايـل شـوف للجـرح وش كـان
أنــا كــذا لا صــرت بالحـيـل مـجــروح حتى لـو إن فـي داخلـي هـدم بنيـان وانهـا تزاغينـي الحمامـة علـى النـوح مـا شفتنـي مكسـور خاطـر ونـدمـان ولا قلت لك شفني من الفقـد مذبـوح ما بيك تحسبنـي علـى بنـد لاحسـان ابيـك تنظـر لـي جسـد مـا مـعـه روح ابــيــك تـنـظـرنـي أنــانــي وخــــوّان يمـكـن بـعـاده ينـوجـد فـيـه مـربــوح ابي اعيش بصمت جرحي على شان يمـوت سـرّي لا غـدا الـجـرح مفـتـوح ودّي امـوت وظـاهـر الـجـرح مــا بــان ولا اعـيـش وبـاطـن الـجـرح مفـضـوح.. لكـنْ قبـل تطـوُ النـوى كـلّ مــا كــان" شبّعني عيونك وفـا قبـل مـا اروح " |
||
|
|
09-05-2011, 06:13 PM
|
#5 | ||
|
|
(بقايا ريقَ) ثلاثة عقودٍ يكحّل جفنها عود الضما ويموت في عيني شجر حلمي حنين وأذرفه تعبت أوصّف لون حلمي للزمن واثره عمى وتعبت ألوّح للسراب اللي عيوني تهتفه ماعاد يغري في شفاه العيش ضحكات ولمى ياليتني ماكنت بالاحلام أنثى مسرفه هناك في زحمة خفوق الوقت أنفاس ودمى وهناك ضيّعني الفرح واستكثر إني اعرفه أتذكّر إني كنت أغنّي للوطن تحيا الحمى واثر الوطن يعزف على ناي اغترابي وانزفه واتذكّر إني كنت اخبّي صوره لفارس رمى في دفتر اشعاري فؤاده لين سالت احرفه اتنفّسه لا احتجت لاكسيد الحياه وكلما هبّت رياح الخوف والوحده عليّ اسولفه وامي توصيني أبيك أقوى وعينك للسما وصبرك على الاوجاع مثل السيل كل شي يجرفه تدرين يايمّه عن اللي من عمر بنتك هما؟ شعوري إني كوكبٍ شمس الأمل به آزفه ولا تاخذك دهشّه لو اني قلت مافيني انتما للواقع اللي شاف دمعي واغتسل به عجرفه اخذيني بحضنك ابشرب من نهد عزمك نما يروي عروق المقبلات ان صارت اوجاعي صفه احتاج هالليلة بقايا ريق لإحساسي وما بنسى حليب الجرح وارقص فوق حضن الأرصفه هذي ثلاث عقود اطفّي جمرها بليلة ضما من ريق شعري وان شعل فيني حنيني اذرفه.!! للشاعرة: مريم الزعبي |
||
|
|
09-05-2011, 06:19 PM
|
#6 | ||
|
|
[مخرج]
ماعادت شفاه الحكي .. تغري شفاي.... لبست ثوب الصمت .. واحترت فيني ! كل ماطفابي ليل .. اشعلت مسراي.... حتّى تعرّت لـ المسافات .. عيني ! ولا عدت انا يالصاحب اياي اياي.... احس نصفي ..منتحي .. مايبيني مدري يجي هـ العيد .. والبسْك جوّاي !.... "والا يجيب غيابك .. العيد فيني ؟!" غمسته في تجاويفي ..ولا ابتلت ! ... عدا احداقي ! تجيب المبتعد ..وتصب ارضه .....ليييين ينبت ماه واحس بداخلي طفل ٍ .. يهيم ... ويشتم الساقي عبث..خاف وتغنّى لـ الرحيل...وسال بين غناه واخاف يجيبه الدرب الطويل... وتقصر أوراقي ! انا لاجيت انقش من كفوف الذاكرة ... فرقاه تبرّا الدرب .. من كل الخطاوي ... واشتهى ساقي تعبت اسقي سماي من السؤال ...ولاظهر معناه كذا ياخذ مواعيدي ...ولارتّبت اشواقي ! يجي وافرش سكوتي ..ليين يزرع لـ الحزين شفاه ؟! يجي اثقل من احلام الفقير ... وهقوة الهاقي ؟ خفوق ٍ كلما بيّن مثل ضي القـُرى .. جوّاه عشقت اتوسل اسوار الغياب ...وغاب عشاقي واقوم ابني على شط الاماني ..مشيته وخطاه اذا امتدت سواحل ..مبعديه .. وخلت الباقي ! لاجل اضحك على عقل المشاعر ..واحتري يمناه تصافح كل ضلع ٍ من ضلوعي .. مل خفاقي ! وآتم اللي توطّاه الزمان .. وخفت لا انساه غمست القلب في قلب الرحيل .. وجفت اعماقي |
||
|
|
09-05-2011, 06:25 PM
|
#7 | ||
|
|
بعد فرقاك: ودّعت الجهات وجبتني وياي
تقضبت بأنا قلت: الورق قادر ينـّسيني ومشيت بصدري موالي/ على ظهري تعب منفاي أمر أحبابي ماكني أنا/ وماكني أعنيني! ياكثر الموت من حولي/ ياقل اللي (رقى) معناي تعبت ولاأذكر اللي بي (نزل) لحظة يواسيني وحيد بلا متى أو وين/ بلادربٍ يضم إخطاي أعشمني بحضن بكرى/ عساني أقدر أرضيني غيابك علّم التنهيد كيف يبعثر بدنياي وكيف ان القصيد يموت وكيف يرد يحييني ! بلادي كانها عالدمع خذيني وإسألي عيناي بكيتك لين مانبْتت على وجه الثرى عيني! ثمان شهور وأوراقي تسابقني على شكواي ابوح بحبرها يوم وتظل أيام تبكيني! نسيتيني؟ نسيتيني كذا؟ وأحلامي وظلماي من اللي بآخر العمر بيجي يضوي. عناويني ؟! |
||
|
|
09-05-2011, 06:27 PM
|
#8 | ||
|
|
هذي انتي !.. من لمحت العُمر ..تنده له سنينه : ......... رحت بشرّت الشذى ..... والورد ....... والعطر الحزين والندى اللي نام حول الغصن ...واتوسّد يدينه ......... والمدى اللي ياخذ انفاسك .......... لـ حضن الياسمين والصبا .. في كل مرّة .. يكبر النرجس بـ عينه ........... والصباح ...... اللي تعثّر....... في سهاد الحالمين حيّنا .. والشارع الخلفي ..وضيّان المدينة ............. والدرايش .. والزوايا ........ لطخت صدري حنين للسهر ..طفل ٍ وكنتي ..تعشقينه..| تتركينه : ............ كل ليلة يفرش بساط الظنون .......... ولا تجين ! تشبهين الطُهر .. في صُبح القرايا .. والسكينة ............. تشبهين التيه فـ وجيه ...... وجهات... الراحلين من رحلتي .. ماتركتي لـ المسا ضي بـ يمينه ............كنك اللي تاخذين الشمس........... وانتي ترحلين ! البحر... ماعاد يغري نظرته ..عطر السفينة .............والجفا لو فاح ....... طاح الوقت من غصن السنين الشوارع لـ السما .. تسولف عن اسرار المدينة ............. والدفا ........ قام يتبرّا ........ من كلام العاشقين كل بيت ٍ تمتم اللهفة .. ولا صدّقْه "طينه" ............. كل ياس ٍ يردم اللحظة ............ ويغتاب الحنين كل ركن ٍ يلبس الذكرى ... توطته الغبينة ............. والشعر من وين مايممّت اقلامي .......... حزين جيتي اليوم .. وفرشتي صدري الحي.. بـ حنينه ............بكرى بـ افرش لك حنين الحي من صدري |.. تجين !؟ |
||
|
|
09-05-2011, 06:35 PM
|
#9 | ||
|
|
وملت ساعة الحايط حبيبي سالفة وينك
سنه واكثر وهي تشرب أساي وتغرف أحزاني وش اللي يجبر الفرقا تنام بخيمة سنينك من اللي علمك تنسى بجفني صحوة أجفاني؟ ندهتك والغياب أكرم من إنه (يشحت) يمينك كإني لوطلبت وصالك أطلب حزمة أكفاني وصل فيني الجنون أحضن بدمي جرح سكينك واقبَل طعنتك واملى بإسمك صرخة لساني بكاك الدفتر المسجون بالوانك وتخمينك ذبل فيه القصيد اللي كتبته لخاطر أعياني عجزت آوسد ظلوعي بعطف وصالك ولينك شبع من عظمي الصبر الكريم وشاب حرماني هداياك،التهاني،صورتك،خيلك وحطينك هزمني قبالها دمع الحزن واستعبد أحضاني مضى عمري بساعة حايطي أبكي متى ووينك على باب القبر بالدمع من فرقاك .. تلقاني |
||
|
|
09-05-2011, 06:40 PM
|
#10 | ||
|
|
انا لامن دعيت الله يجيبك زدتني بإبعاد !!؟!
رح الله لا يردك !! ؟! يمكن الدعوات مقلوبه نفش ريش الظلام وقلت عل المبطيات جداد رقص وجه النهار وقلت يادوبى ويادوبه هنوفٍ لابغتترمش هدبها يرتفع بالكاد ! يعذبها إلى منه على الوجنه فتق ثوبه أميزها عن القمرى إلى من جت بلا ميعاد وإلى من جت مع القمرى ؟! غدا كلٍ وأسلوبه سحابه جدها من يم أبوها بارق ورعاد بغيت أسقى بها روحى ؟! لقيت الروح مشروبه تهادى كنهاطفلٍ يمشيه الهوى بركاد تعطف كنها نار ٍ براس طويق مشبوبه تجي وإن زادها قلبي غلا زادت غلا وعناد وإلى من قلت يكفي بموت تقول ملعوبه لها فوق القدر عندي مكان ٍ ماعليه اسياد ولي في عينها نظرة هلاك ٍ غصب مكتوبه أشوف الموت لاغابت وعمري لأقبلت ينعاد وإلى ابتسمت غشا ظلي من الفرحه وراحوا به بعضها آدمي لكن بعضها مأحتوته أجساد ملَك واحلى الخلايق ماوصل بالزين عذروبه تجي مثل الفجر لو الفجر ماهوب دوم أعياد أنا افدا ظلها لا والله افدا ظل مندوبه تسولف للندى يسهر على النرجس !! ؟! يبي يزداد تغني للمطر لليل تصيب الكون غيبوبه وأبد ماكنت أحس بلسعة الكرباج والجلاد الين البارحه دمي عواذيلي تقهووابه وأنا وش جابني للحب مادام اللي مضى مافاد أنا وش لي ووش للموت لجل عيون رعبوبه حبيبي لا تعلمني أبد كيف أرضي الحساد حبيبي لا تعلم جسمي ان الروح منهوبه وانا لامن دعيت الله يجيبك رح وزد فبعاد كذا دايم هي ! ؟! اصلاً فرحة العشاق معطوبه |
||
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض الكل)
الاعضاء الذين شاهدو هذا الموضوع: 12
|
|
| "•||أتعَبنِي غيَآبك ~, "•||آوتآر آلجآذبيه ~, "•||انـ(م)ثى(ي) حا(م)لمـ(ي)ـة ~, "•||ذبحني غلآكـ ~, "•||تہ ع ہبہت اجآإمہل ~, "•||تفاصيل مبعثرة ~, "•||دفء المشاعر ~, "•||خوآطر ~, "•||mgno0nk ~, "•||شبيه الريح ~, "•||غلاوي ~, كلي وفا |
| أدوات الموضوع | |
| انواع عرض الموضوع | |
|
|
 |
العرض العادي
