أمثال بحرينية

06-20-2010, 12:40 AM

أمثال بحرينية

أمثال بحرينية

· أبو طبيع ما ييوز من طبعه

· إذا بغيت صاحبك دوم حاسبه كل يوم

· إذا حبتك عيني ما ضامك الدهر

· إذا حجت البقر على قرونها

· إذا حضر الماء بطل التيمم

· إذا صار رفيجك حلو لا تاكله كله

· إذا طاح الجمل كثرت سكاكينه

· إذا طبع دوس على تريجه

· إذا فات الفوت ما ينفع الصوت

· إسأل مجرب ولا تسأل طبيب

· إش حادك يا المسمار ؟ قال المطرقه

· إصرف ما في الجيب يأتيك ما في الغيب

· أضبط من ساعة الملا

· اقبض من دبش

· أقضب مجنونك لا يجيك أجن منه

· إكل ما تشتهي وإلبس ما يعجب الناس

· إما طلعه ولا طبعه

· إن طاعك الزمن وإلا طيعه

· إنطر يا حمار لما يجيك الربيع

· إنفخ يا شريم قال ماكو برطم

· الباب اللي يجيك منه الريح سده وإستريح

· بات مظلوم ولا تبات ظالم

· بغاها طرب صارت نشب

· بغى يكحلها عماها

· بغيناه عون صار فرعون

· تجيك التهايم وإنت نايم

· ثوب أطول منك يعتك

· جارك ثم دارك

· حاميها حراميها

· حشر مع الناس عيد

· حط راسك بين رجليك وإشهد على والديك

· حط فلوسك بالشمس وإقعد بالذلال (إجلس بالظل)

· خبز خبزتيه يا الرفله إكليه

· خربان من البيضه

· دابة الله بأرض الله

· الذيب ما يهرول عبث

· راعي النصيفة سالم

· رزق القطاوه على الخاملات

· زرع الميانين (المجانين) يطلعه رب العالمين

· شبعونا طراقات وشبعناهم شتايم

· شمامها لمامها

· طارت الطيور بأرزاقها

· طقاق روحه ما يصيح

· الطقعه بسوق الصفافير ضايعه

· الطقعه بسوق الصفافير ضايعه

· الطول طول نخله والعقل عقل صخله

· عتيج الصوف ولا جديد البريسم

· عقب ما طقعت صكَت فخوذها

· عمره ما تبخر ، تبخر وإحترق

· عومه مأكوله ومذمومه

· غصيت فيك يا ماي ، شدفعك في

· فال الله ولا فالك

· الفرخ يجوجي في البيضه

· قال عندك تاكل ؟ قال لأ . قال عندك تغرم ؟ قال إي .

· قراقيع صيف

· قطو وطقيته بمصير

· كثر الدق يفك اللحام

· كلٍ بقلبه شيقاليله (شقاء له)

· كوم حجار ولا هالجار

· لي بغيب الخبر يشيع عطه (أعطه) أم بزيع

· لو جريت جري الوحوش غير رزقك ما تحوش

· لي طار طيرك قول سبيل

· لي فات الفوت ما ينفع الصوت

· اللي في الجدر يطلعه الملاس

· اللي ما يرضى بجزَه ، يرضى بجزَه وخروف

· اللي ما يستحي منك لا تستحي منه

· اللي ما يطول العنقود يقول حامض

· اللي ما يطيع يضيع

· اللي ما يعرف الصقر يشويه

· اللي ماله أول ماله تالي

· اللي مو على دينك ما يعينك

· اللي هذا أوله ينعاف تاليه

· اللي يجي من الله حياه الله

· ما تعينك إلا يمينك

· ما لك إلا خشمك لو كان عوي (أعوج)

· مال عمك لا يهمك

· مخروش طاح بكروش

· مد رجولك على قد لحافك

· مداح نفسه يبي له رفسه

· مكسورة و تبرَد

· من طمع طبع

· نصيبك يصيبك

· هذا سيفوه وهذي خلاجينه (ملابسه)

· الوجه من الوجه أبيض

· يا شين شيء ما شابه هله (أهله)

· يا من شرا له من حلاله علَه

· يفوتك من الجذاب صج وايد

· يمدح السوق من ربح فيه

· يوَد (أمسك) الحبَه وفلَت (أفلت) الدبَه

ساعد في نشر والارتقاء بنا عبر مشاركة رأيك في الفيس بوك

المصدر: منتديات ياحبي - من قسم: ــ؛ع ـآلم الحكم و الالغاز

Hlehg fpvdkdm

06-20-2010, 03:30 AM

إذا طاح الجمل كثرت سكاكينه
امثال روعه مره ومافيه فرق عن امثالنا

الله يسلمك ويخليك

ودي

06-20-2010, 04:02 AM

· الباب اللي يجيك منه الريح سده وإستريح
""""""""""""""""""""
الله يعطيك العافيه
ع الامثال الحلوه
تقبلي ردي وودي

06-20-2010, 04:41 AM

الله يعطيك العوافي يارب

لك حبي

06-21-2010, 01:36 PM

ربي يعافيك

ع الامثال الرووعه

لاهنتي

دلع

08-01-2010, 02:27 PM

السلام عليكم ورحمة الله وبركاته

هلا وغلا فيكم منورين

اشكركم على حسن المتابعه

ما انحرم منكم حبايب قلبي

ارق التحايا

08-18-2010, 07:44 PM

السلام عليكم ورحمة الله وبركاته

هلا وغلا فيكم منورين

اشكركم على روعه حضوركم

لاخلا ولاعدم

10-21-2010, 06:34 AM

شكرا للتميز

موضوع مميز

فى انتظار الجديد

(( لا إله إلا انت سبحانك اني كنت من الظالمين عدد ماكان وعدد مايكون وعدد الحركات وعدد السكون وعدد الظلمات وعدد النور))

التميز خلال 24 ساعة
العضو المميز	الموضوع المميز	المشرف المميز
"•\|\|وسونة ~	لذة غرام الف مبروك الالفيه الجديده بقلم : شبيه الريح	"•\|\|انت عمري ~

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

(عرض الكل) الاعضاء الذين شاهدو هذا الموضوع: 0
لا يوجد اسماء لعرضها